Հինգշաբթի թւականիս յունւարի 27-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանն իր գրասենեակում ընդունեց, Ի.Ի.Հ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանին եւ խիստ կարեւորեց Պատգամաւորի նման հանդիպումները Սրբազանի հետ:
Պրն. Արա Շահվերդեանը իր հերթական այցելութեան ընթացքում զեկուցեց ընդհանուր աշխատանքների եւ ի մասնաւորի Ուրումիա եւ նաեւ Ռահւա գիւղ կատարած իր վերջին այցելութեան մասին: Ընթացքում նաեւ խօսւեց Թեհրանի մեր համայնքի որոշ դրական եւ բացասական երեւոյթների վերաբերեալ:
Սրբազան Հայրը իր գոհունակութիւնը յայտնեց եւ մեծապէս գնահատեց պրն. Շահվերդեանի կատարած աշխատանքները եւ յատկապէս ստեղծած յարաբերական կապը՝ ժողովրդի, Միութիւնների եւ ազգային կառոյցների հետ:
Ազգային Առաջնորդարանի Հանրային կապ