Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԱՌԱՋՆՈՐԴ ՍՐԲԱԶԱՆ ՀՕՐ ՀԱՆԴԻՊՈՒՄԸ ԶԷՅԹՈՒՆ ՔԱՂԱՔԱՄԱՍԻ Ս. ԳՐԻԳՈՐ ԼՈՒՍԱՒՈՐԻՉ ԵԿԵՂԵՑՈՒ ԾԽԱԿԱՆՆԵՐԻ ՀԵՏ

Շարունակելով Թեհրանի քաղաքամասերի եկեղեցիների ծխականների հետ հանդիպելու իր աւանդութիւնը, թեմիս առաջնորդ Գերշ. Տ. Սեպուհ Ս. Արք. Սարգսեան հինգշաբթի 10 մարտ 2016-ի երեկոյեան հանդիպեց Զէյթուն քաղաքամասի Ս. Գրիգոր Լուսաւորիչ եկեղեցու ծխականների հետ, համանուն եկեղեցու սրահում։

 

Հանդիպման ներկայ էր Գերշ. Տ. Մակար Ս. Եպս. Աշգարեանն ու եկեղեցու երկու հովիւները՝ Արժ. Տ. Մեսրոպ քհնյ. Ռաթէոսեանն ու Արժ. Տ. Գրիգորիս քհնյ. Ներսիսեանը եւ հաւատացեալների հոծ բազմութիւն։ 

Առաջնորդ Սրբազան հօր Տէրունական աղօթքից յետոյ եկեղեցու եկեղեցական խորհրդի ատենապետուհի տկն. Սեդա Գրիգորեանը բարի գալուստ մաղթեց Սրբազան հօր եւ իր ընկերակիցներին եւ հաւատացեալ ժողովրդին ապա ներկաներին բացատրեց այս հանդիպման էութիւնը յաւելելով, որ Սրբազան հօր մտադրութիւնն էր հանդիպել իր ժողովրդի զաւակների հետ, մօտիկից ճանաչել նրանց որպէսզի աւելի արդիւնաւէտ կերպով կարողանայ ծառայել իր ժողովրդին եւ ապա հրաւիրեց առաջնորդ Սրբազան հօր այս առիթով արտայայտւելու։ 

Սրբազան հայրը նախ իր ուրախութիւնն ու գոհունակութիւնը յայտնեց հաւատացեալների խուռներամ ներկայութեան համար եւ ապա իր կարգին կարեւոր նկատեց նմանօրինակ հանդիպումները, որոնց ընթացքին հօտ եւ հովիւ միասին լինում եւ ապա գործում են ի խնդիր աւելի պայծառ ու բեղուն գործունէութեան. իր խօսքի մի այլ բաժնում Սրբազան հայրը թելադրեց, որ մենք իբրեւ քրիստոնեաներ, պարտինք պահել մեր եկեղեցական ու ազգային տօներն ու սովորութիւնները, որոնք գալիս են պատմութեան ընդերքից եւ որոնց պահպանելով մենք կառչած մնալու ենք մեր ինքնութեան եւ պատմութեան։ Իր խօսքի աւարտին Սրբազան հայրը հրաւիրեց ներկաներին տալու իրենց հարցումները։ 

Եղան հարցումներ Միջինքի, Նոր տարւայ, Ծաղկազարդի եւ Արեւագալի ու Հսկումի արարողութիւնների մասին։ Սրբազան հայրը հանգամանօրէն ներկաներին բացատրեց եւ օրինակներով ցոյց տւեց թէ ինչպէս պէտք է ապրել որպէս քրիստոնեաներ. խօսք եղաւ նաեւ մեր ժողովրդի մի մասի եկեղեցու եւ մեր դպրոցների նկատմամբ ցուցաբերած անտարբերութեան եւ կարեւորութեամբ շեշտեց, որ որեւէ աշակերտ իր նիւթական անկարողութեան պատճառով չի զրկւել եւ չի զրկւելու հայոց դպրոցից։ Սրբազան հայրը կարեւորութեամբ ներկաների ուշադրութեան յանձնեց մեր ներկայ վիճակը եւ կոչ ուղղեց բոլորին իրապաշտօրէն դիտելու եւ ապրելու իր կեանքը յարաբերաբար այն մարտահրաւէրներին որոնք պատնեշւում են մեր առաջ։ 

Վերջում Սրբազան հայրը օրհնեց ներկաներին եւ բոլորին յաջողութիւն մաղթեց։

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ