Ուրբաթ 26 Փետրւար 2016։

Մի այլ լուսաւոր եւ յուսադրիչ թւական իրանահայ գաղութի եւ յատկապէս Թեհրանի հայոց թեմի արդի պատմութեան մէջ։

 

Վերոնշեալ օրը տեղի ունեցան Իրանի Իսլամական Խորհրդարանի 10-րդ նստաշրջանի խորհրդարանական եւ փորձագէտների ընտրութիւնները։

Իրանի ողջ տարածքին ժողովուրդը ընդառաջելով հոգեւոր առաջնորդի Այաթոլլահ Ալի Խամենէի եւ Հանրապետութեան նախագահի կոչերին խիտ շարքերով մասնակցեց ընտրութիւններին։

Մենք գոհունակութեամբ հետեւեցինք ընտրութիւնների ընթացքին եւ ուրախութեամբ նկատեցինք մեր ժողովրդի խուռներամ եւ յանձնառու ոգով մասնակցութիւնը ընտրութիւններին։ Ընտրատարածքների տւած մեր այցելութիւնների ընթացքին գնահատեցինք քւէարկողներին, որոնք գիտակից իրենց քաղաքացու եւ համայնքային իրաւունքների եւ պարտաւորութիւնների, հայավայել կերպով կատարում էին իրենց պարտականութիւնները։

Մեծապէս գնահատում եւ միանգամայն շնորհաւորում եմ ձեզ սիրելի՛ հայորդիներ, ձեր այս գիտակից մօտեցումին համար եւ միանգամ եւս յանուն մեր թեմի ողջ ժողովրդին շնորհաւորում ենք դկտ. Կարէն Խանլարեանին իր վերընտրութեան առիթով եւ ձե՛զ սիրելի հայրենակիցներ ձեր անվերապահ մասնակցութեան երկու ընտրութիւններին էլ։ Ուզում ենք շնորհաւորել նաեւ մեր քոյր թեմի՝ Սպահանի մեր ժողովրդին եւ իր նորընտիր պատգամաւոր՝ պրն. Ժորժիկ Աբրահամեանին։

Մեր սպասումն է, որ մեր նորընտիր զոյգ պատգամաւորները շարունակեն իրենց նախորդների գործը ի սպասաւորութիւն իրանեան մեծ հայրենիքի եւ իրենց համայնքին։ Օրհնում ենք ընտրողներին եւ ընտրւողներին հաւասարապէս եւ աստւածային առաջնորդութիւն մաղթում բոլորին։