ՅԱՅՏԱՐԱՐՈՒԹԻՒՆ ԱՍՏՒԱԾԱՇՈՒՆՉԻ ՕՐՒԱՅ ԱՌԻԹՈՎ

Այսու յայտնում ենք մեր հաւատացեալ ժողովրդի զաւակներին, որ թւականիս յառաջիկայ շաբաթ 17 հոկտեմբերը մեր թեմում յայտարարւած է որպէս Աստւածաշունչի օր: Այս առիթով, ուրբաթ 16 եւ կիրակի 18 հոկտեմբերին մեր բոլոր եկեղեցիներում յընթացս Ս. Պատարագի խօսւելու է Աստւածաշունչ Մատեանի տեղի եւ դերի մասին մեր ժողովրդի կեանքում:

Առ այդ, ուրբաթ Ս. Սարգիս Եկեղեցում եւ կիրակի Ս. Գրիգոր Լուսաւորիչ եկեղեցում կրօնական արարողութեանց նախագահելու եւ քարոզելու է Թեմիս Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը:

Յայտնենք նաեւ, որ այդ օրը մեր բոլոր եկեղեցիներում կարող էք գտնել Աստւածաշունչի եւ նոր կտակարանեան մեր հրատարակութիւնները:

Արդարեւ կոչ ենք ուղղում մեր ժողովրդի զաւակներին, որ այդ օրը եկեղեցի երթան լսեն Աստծու խօսքը եւ դրանով վերանորոգեն իրենց հաւատքն ու կապւածութիւնը իրենց եկեղեցու եւ ազգային ու հոգեւոր արժէքներին: