Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Ս. և Անմահ Պատարագ՝ Սրբոց Վարդանանց Տօնի առիթով

Հինգշաբթի, 4 փետրւար 2016-ին, տօնն էր Սրբոց Վարդանանց Զօրավարացն Մերոց և 1036 Վակյիցն:  Այս առիթով հանդիսաւոր Ս. եւ անմահ Պատարագ մատուցւեց Թեհրանի մեր եկեղեցիներում:

Սրբոց Վարդանանց Զօրավարաց Տօնը համընկնում է Սարդարապատ թաղամասի Սրբոց Վարդանանց Եկեղեցու անւանակոչութեան տօնին: 

Այս առիթով հինգշաբթի 4 փետրւարին Սրբոց Վարդանանց Եկեղեցում մատուցւեց հանդիսաւոր Ս. պատարագ:  Պատարագեց և քարոզեց թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Սրբազան Հայրն իր քարոզն սկսեց Պօղոս առաքեալի հռոմէացիներին ուղղած նամակից հատւածներ կարդալով և ասաց՝ «Եթէ Աստւած մեր կողմն է, ո՞վ կարող է մեզ հակառակ լինել, ո՞վ կարող է բաժանել մեզ Քրիստոսի սիրուց, նեղութի՞ւնը, հալածանքը՞, սո՞վը, թէ սո՞ւրը:  Երբ հաւատում ենք և ընդունում Քրիստոսին որպէս Աստծու գառը, որ երկնքից իջաւ մեր մեղքերի համար, այս կենդանի հաւատքից ո՞վ կարող է մեզ հեռացնել:  Աւետարանն ասում է՝ երբ գիտենք իրականութիւնը, երբ գիտենք, որ Քրիստոս մեզ համար խաչւեց և իր յարութեամբ մեզ նոր կեանք տւեց, ի՞նչպէս կարող ենք թողնել այս հաւատքը»: 

Քարոզի միւս բաժնում ասաց. «Ահա Վարադանանց պատերազմի խորքը և ազգային հոգևոր իմաստը երբ նշում և տօնում ենք և յիշում ենք Վարդանին և Վարդանանց սերնդի ինքնաընծայումն ու նւիրաբերումը, մտածում ենք, թէ ինչ էր այդ ուժը նրանց մօտ:   Երևի այս երեք հիմնական ճշմարտութիւնները որոնք զսպանակիչ ուժն էին իրենց կեանքում՝ առաջինը՝ հաւատարմութիւն Քրիստոսին և իր վարդապետութեանը և պաշտպանութիւն այդ բոլորին. երկրորդը՝ յանձնառութիւն իրենց ազգային պատականելութեան և ինքնուրոյնութեան հանդէպ, որպէս հայեր և հայութեան ներկայացուցիչներ. իսկ երրորդը՝ իրենց ամբողջական նւիրածութեան պատրաստակամութիւնն էր:  Նրանք իրենք իրենց պատարագեցին որպէս զոհ՝ Քրիստոսի խորանի վրայ»: 

Սրբազանն աւելացրեց՝ «Այսօր Աւարայրի աշխարհագրական տարածքը ընդարձակւել է. Աւարայրն այնտեղ է, որտեղ հայ կայ, այնտեղ է որտեղ մեր ժողովրդի զաւակներից որևէ մէկը իր հաւատքի էութեան և իր ազգային ինքնուրոյնութեան համար պայքար է մղում: Այդ պայքարը միայն սրով և կրակով չէ, պայքարի միջոցներն այս օրերին փոխւել են:  Մենք այսօր կոչւած ենք պայքարելու մեր լեզւի պահպանման համար, քրիստոնէական մեր ընտանիքի անարատութեան պահպանութեան համար:  Կենդանի պահելու մեր հայրենիքը և եկեղեցին»: 

Ս. Պատարագի աւարտին, եկեղեցու խորհուրդը, եկեղեցու մերքևի սրահում կազմակերպել էր  գեղարւեստական ծրագիր և համեստ ընդունելութիւն:  Օրւայ առիթով արտայայտւեց Սրբազան Հայրը:  Ապա նւէրներ յանձնւեցին եկեղեցու քահանային, դպիրներին և եկեղեցու երգչախմբին: 

Պատարագին և ծրագրին ներկայ էին Թեմական Խորհրդի անդամներից, Եկեղեցական Խորհրդների անդամներից, Սարդարապատ և Անի միութիւնների ներկայացուցիչները, թաղի պատգամաւոր՝ պրն. Էդւարդ Աբրահամնեանը, Մեծի Տանն Կիլիկիոյ Կաթողիկոսութեան ազգային վարչութեան քաղաքական ժողովի անդամ՝ պրն. Վարդան Վարդանեանը ինչպէս նաև թաղից հոծ բազմութիւն:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com