Իրանում կարգապահական ուժերի շաբաթւայ առիթով, իւրաքանչիւր տարի Իրանի կրօնական փոքրամասնութիւններից մէկի նախաձեռնութեամբ նշւում է կարգապահական ուժերի օրը:
Այս առիթով Երեքշաբթի հոկտեմբերի 8-ի երեկոյեան, Թեհրանի զրադաշտների միութեան դահլիճում կազմակերպւել էր սոյն առիթով իւրայատուկ միջոցառում:
Միջոցառումը մեկնարկւեց Իրանի պետական հիմնով, որից յետոյ զրադաշտների միութեան նախագահ դոկտ. Աֆշին Նարիմանեանը ողջոյնի խօսք ուղղեց ներկաներին:
Իրանում կրօնական փոքրամասնութիւնների անունից կարգապահական ուժերին շնորհաւորեց և նրանց աշխատանքը գնահատեց Իսլամական խորհրդարանում ասորիների պատգամաւոր՝ Իւնաթան ԲեթԿոլիան:
Միջոցառումը օժտւած էր գեղարւեստական կատարումներով:
Վերջում հրաւիրւեց արտայայտւելու Թեհրանի կարգապահական ուժերի հրամանատար գեներալ մայոր Հոսէյն Ռահիմին, ով անդրադարձաւ կարգապահական ուժերի գործողութիւններին և կարևորեց Իրանում բոլորի միասնականութիւնը, երկրի տարածքային ամբողջականութիւնը պաշտպանելու առումով և գնահատանքով անդրադաձաւ Իրանում կրօնական փոքրամասնութիւնների անժխտելի դերը:
Միջոցառմանը հրաւիրւած էին նաև Թեհրանի կարգապահական ուժերի զանազան միաւորների հրամանատարներ, Իրանում կրօնական փոքրամասնութիւնների հոգեւոր առաջնորդներ և հոգևորականներ, Իսլամական խորհրդարանի պատգամաւորներ և Իրան-Իրաք պարտադրեալ պատերազմի զրադաշտ նահատակների, վիրաւորների և գերիների ընտանիքներ:
Վերջում զրադաշտների հոգևր առաջնորդների ձեռամբ գնահատագրեր յանձնւեցին կարգապահական ուժերի հրամանատարին և զանազան միաւորների ղեկավարներին, որոնք յատկապէս առնչակից են կրօնական փոքրամասնութիւնների հարցերին:
Հայ համայնքի կողմից հանդիսութեանը ներկայ էին Ի.Ի. խորհրդարանում Թեհրանի և հիւսիսային իրանահայութեան պատգամաւոր՝ դոկտ. Կարէն Խանլարեանը, Թ.Հ.Թ. Թեմական Խորհրդի և Ալիք օրաթերթի ներկայացուցիչները, նաև արժ. Տ. Մեսրոպ քհն. Ռաթէոսեանը, արժ. Տ. Գուրգէն քհն. Ներսիսեանը և արժ. Տ. Յակոբ քհն. Քէշիշեանը: