Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՏՕՆ ԱՌԱՔԵԱԼՆԵՐԻ

Ա. ՏԱՐԻ, թիւ 30, 21 Յուլիս, 2019

Այս Շաբաթ Հայ Եկեղեցին յիշատակեց Քրիստոսի 12 Առաքեալների տօնը:

Ճանաչենք նրանց մօտիկից.-

1.- ՊԵՏՐՈՍ ԱՌԱՔԵԱԼ: Ծնւել է Բեթսայիդայում, ապրել` Կափառնայում քաղաքում: Եղել է ձկնորս: Քարոզել է Յուդայում, Անտիոքում, Հռոմում: Նահատակւել է Հռոմում` գլխիվայր խաչւելով (ենթադրաբար` 64-ին): Աւանդութեան համաձայն` Հռոմում է նահատակւել նաեւ նրա կինը: Պետրոս առաքեալից աւանդւած գրւածքներն են առաջին եւ երկրորդ Ընդհանրական թղթերը` ուղղւած հրեական սփիւռքի հաւատացեալներին: Պօղոս Առաքեաի հետ միասին համարւում են Հռոմի եկեղեցու հիմնադիրները: Նրա գերեզմանի վրայ է կառուցւել Հռոմի Ս. Պետրոս Եկեղեցին:

2.- ԱՆԴՐԷԱՍ ԱՌԱՔԵԱԼ.- Պետրոս Առաքեալի եղբայրը, նոյնպէս` ձկնորս: Սկզբում աշակերտել է Յովհաննէս Մկրտչին, ապա եղբօր հետ առաջինն է եղել որ հետեւել էՅիսուսին քարոզել է Սկիւթիայում, Յունաստանում եւ Փոքր Ասիայում: Նահատակւել է խաչի մահւամբ (ըստ որոշ աղբիւրների` Յունաստանում). ըստ աւանդութեան` նրան խաչել են լատ. X տառի ձեւով, որը յայտնի է ՙԱնդրէաս սրբի խաչ՚ անունով:

3.- ՅՈՎՀԱՆՆԷՍ ԱՌԱՔԵԱԼ ԵՒ ԱՒԵՏԱՐԱՆԻՉ.- Յովհաննէս առաքեալ Առաքեալներից ամենակրտսերն է: Նրան եւ եղբօրը` Յակոբոս առաքեալին, Յիսուսն անւանել է ՙԲաներեգես՚` ՙՈրոտացող մարդիկ՚: Ծնւել է Բեթսայիդայում, ապրել Երուսաղէմում:
Եղել է ձկնորս: Հովհաննէսը գործունէութիւն է ծաւալել Փոքր Ասիայի եկեղեցիներում եւ Եփեսոսում: 95 թւին աքսորւել է Պատմոս կղզի, այստեղ ունեցել Յայտնութեան Գրքում նկարագրած տեսիլները: Ըստ աւանդութեան` աքսորից վերադարձել է եւ վախճանւել բնական մահով` 94 կամ 95 տարեկան հասակում, մօտ 100-ին: Ասւում է, որ նա, շարունակ յորդորել է. ՙԶավակնե՜րս, սիրեցե՜ք միմեանց՚: Հեղինակն է Աւետարաններից մէկի, երեք Ընդհանրականթղթերի եւ Յայտնութեան Գրքին: Յիսուս Յովհաննէսին արժանացրել է գերագոյն շնորհի` Մարիամ Աստւածածնին նրա խնամակալութեանը յանձնելով: Մինչեւ Յիսուսին հետեւելը աշակերտել է Յովհաննէս Մկրտչին: Յովհաննէսն իր եղբօր Յակոբոսի եւ Պետրոսի հետ եղել է Երուսաղէմի առաջին եկեղեցու սիւներից մէկը:

4.- ՅԱԿՈԲՈՍ ԱՌԱՔԵԱԼ.- Յովհաննէս Առաքեալի եղբայրը: Ծնւել է Բեթսայիդայում, ապրել Երուսաղէմում: Երբ սամարացիներից ոմանք չուզեցին ընդունել Քրիստոսին, Յակոբոսն ու Յովհաննէսը խնդրեցին նրան, որ թոյլ տայ իրենց երկնքից հուր իջեցնել եւ այրել նրանց: Ըստ մեկնութիւններից մէկի` այդ պատճառով է որ Քրիստոս նրանց անւանել է ՙԲաներեգես՚` ՙՈրոտման մարդիկ (Որդիներ)՚: Միակ առաքեալն է, որի նահատակութիւնը նշւած է Գործք Առաքելոցում: Գլխատւել է Հերովդէսի հրամանով` 44 թւին, Երուսաղէմում: Յակոբոսը քարոզել է Երուսաղէմում եւ Յուդայում: Ըստ աւանդութեան` նրա մարմինը նետել են ծովը, եւ ալիքներն այն դուրս են բերել Իսպանիայի ծովեզերք (Իսպանիայում Յակոբոսը, որպէս պաշտելի սուրբ, մեծ ժողովրդականութիւն ունի):
Հայոց մէջ Յակոբոսը կոչւել է ՙԳլխադիր առաքեալ՚: Ըստ աւանդութեան` Յակոբոսի գլուխը յանձնւել է Յակոբոս Տեառն եղբայր կամ Կրտսեր կոչւած առաքեալին, որն էլ գլուխը թաղել է իր տան պարտէզում: Այս տան տեղում կառուցւել է Երուսաղէմի հայկական Սրբոց Յակոբեանց Մայր տաճարը, որտեղ մինչ այսօր ի ցույց է տրւում Յակոբոսի գլխի գերեզմանը, այսինքն` գլխադիրը:

5.- ՓԻԼԻՊՊՈՍ ԱՌԱՔԵԱԼ.- Ծնւել է Բեթսայիդայում: Քարոզել է Փռիւգիայում: Ըստ աւանդութեան` նահատակւել է խաչի մահւամբ` Եփեսոսում կամ Փռիւգիայի Հիերապոլիս քաղաքում:

6.- ԲԱՐԹՈՒՂԻՄԷՈՍ ԱՌԱՔԵԱԼ.- Ծնւել է Գալիլիայի Կանա քաղաքում: Սկզբնական անունն եղել է Նաթանայէլ: Թադէոս Առաքեալի հետ համարւում է Հայ Եկեղեցու հիմնադիրը: Նահատակւել է մորթազերծումով, 66 թւին, Վասպուրականի Աղբակ գաւառում:

7.- ԹԱԴԷՈՍ ԱՌԱՔԵԱԼ.- Ծանօթ նաեւ Ղեբէոս կամ Յուդա (ո՛չ Իսկարիովտացին) անուններով: Բարթուղիմէոս Առաքեալից առաջ քարոզել է Հայաստանում: Նա գալիլէացի էր, Ալփէոսի (կամ Կղէոպասի) եւ Մարիամի որդին: Նահատակւել է քարկոծմամբ, Հայաստանում, Հայոց Սանատրուկ թագաւորի հրամանով, 46 թւին: Հեղինակ է (Յուդա անունով) բոլոր քրիստոնեաներին ուղղւած Ընդհանրական մէկ թղթի, որտեղ նշաւակւում է հերձւածողութիւնը:

8.- ՅԱԿՈԲՈՍ ԱՌԱՔԵԱԼ.- Ալփեան մականունով, Թադէոս Առաքեալի եղբայրը, նոյնպէս ծնւել է Գալիլիայում: Կոչւել է Յակոբոս Կրտսեր` ի տարբերութիւն Յակոբոս Աւագ Առաքեալի: Յակոբոս Ալփեանը սուրբ էր ծննդեան իսկ օրից, եւ այդ պատճառով միայն նրան է թոյլատրւել մտնել Երուսաղէմի տաճարի սրբարանը` ժողովրդի համար Աստծուն աղօթելու: Եղել է Երուսաղէմի Մայր Եկեղեցու առաջին եպիսկոպոսը: Քարոզել է Եգիպտոսում եւ Պաղեստինում, նահատակւել 63 թւին, քարոզելիս երբ վայր են նետել Երուսաղէմի տաճարի տանիքից: Յակոբոսի անունով առկայ է մէկ Ընդհանրական թուղթ: Նրա անունով է աւանդւած նաեւ Սուրբ Պատարագի սկզբնական բնագիրը:

9.- ՄԱՏԹԷՈՍ ԱՌԱՔԵԱԼ ԵՒ ԱՒԵՏԱՐԱՆԻՉ.- Նախապէս եղել է մաքսաւոր հայրենի քաղաքում` Կափառնայումում: Նրա հրէական անունն էր Ղեւի: Վերանւանւել է Մատթէոս, որը նշանակում է ՙՊարգեւ՚: Մատթէոս Առաքեալը Տիրոջ խօսքը քարոզել է պաղեստինեան հրեաներին, ապա մեկնել Աֆրիքա, քարոզել եւ ըստ աւանդութեան, մեծ չարչարանքների ենթարկւելով, նահատակւել՝ Եթովպիայում: Մատթէոս Առաքեալը հեղինակ է Նոր կտակարանեան առաջին գրքի` ՙՄատթէոսի Աւետարան՚ի:

10.- ԹՈՎՄԱՍ ԱՌԱՔԵԱԼ.- Ծնւել է Գալիլիայում: Քարոզել է Սիրիայում, Պարսկաստանում եւ Հնդկաստանում, որտեղ եւ նահատակւել է` աղօթքի ժամանակ նետահարւելով: Գերեզմանը ցույց է տրւում Հնդկաստանի Մատրաս քաղաքի մօտ:

11.- ՍԻՄՈՆ ԿԱՄ ՇՄԱՒՈՆ ԱՌԱՔԵԱԼ.- Մականւել է Նախանձայոյզ կոչումով: Ծնւել է Գալիլիայի Կանա Քաղաքում: Անւանւել է նաեւ Սիմոն Կանանացի: Ըստ յոյն եկեղեցու աւանդութեան` նա էր Կանայի հարսանիքի փեսան: Հարսանիքին Աստւածամօր հետ ներկայ է եղել Յիսուսը եւ գործել առաջին հրաշքը` ջուրը վերածելով գինու: Քարոզել է Աֆրիկայում, Մեծն Բրիտանիայում, Պարսկաստանում, որտեղ եւ նահատակւել է խաչի մահւամբ:

12.- ՄԱՏԱԹԻԱ ԱՌԱՔԵԱԼ.- Երբ Յուդա Իսկարիովտացին իր սուրբ կոչումից ընկաւորպէս մատնիչ եւ դաւաճան, ինքնասպան եղաւ ո՛չ թէ ճշմարիտ զղջումից ելնելով, այլ` չարութեան յարուցած յուսահատութիւնից, ստանալով իր անիրաւութեան վարձը: Յիսուսի Համբարձումից յետոյ եւ Հոգեգալստից առաջ աղօթական վիճակահանութեամբ Մատաթիա դաւել տասնմէկ առաքեալների շարքը` որպէս տասներկուերորդը: Նա Յուդայից էր: Հետեւելէ Քրիստոսի եւ քարոզել է Հրէաստանում եւ Եթովպիայում, որտեղ եւ նահատակւել է քարկոծմամբ:

13.- ՊՕՂՈՍ 13-ՐԴ ԱՌԱՔԵԱԼ.- Ծնունդով Կիլիկիայի Տարսոն քաղաքից էր, որի համար էլ կոչւել է Տարսոնացի: Հրէական անունը` Սաւուղ (յունական ձեւով` Սօղոս): Հռոմի քաղաքացի էր, կրթութեամբ ու դաւանանքով` փարիսեցի, արհեստով` վրանագործ: Ելնելով հայրենի օրէնքի եւ աւանդոյթի հանդէպ նախանձախնդրութիւնից` հալածել է քրիստոնեաներին, նրանց մատնել աքսորի եւ սպանութեան: Նա մասնակից էր Ստեփանոս Նախավկայի սպանութեանը Դամասկոս մեկնելու ճանապարհին հանդիպել է յարուցեալ Յիսուսին, որը նրան կարգել է հեթանոսների առաքեալ: Յիսուսին որպէս Աստծու Որդի եւ Փրկիչ ընդունելուց յետոյ, Սուրբ Հոգով լցւած, քարոզել է Դամասկոսում, Երուսաղէմում, Անտիոքում, Կիպրոսում, Պամփիւլիայում, Լիւստրիայում (Իկոնիա), Փռիւգիայում, Յունաստանում, Հռոմում եւ այլուր` ենթարկւելով բազում հալածանքների, չարչարանքների, աքսորի, արկածների, եւ բանտարկութեան: Հեղինակ է 14 առաքելական թղթերի: 67 կամ 68-ին, Հռոմում, Ներոն կայսեր օրօք, մարտիրոսական պսակ է ընդունել` գլխատւելով:

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com