Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՅԱՅՏԱՐԱՐՈՒԹԻՒՆ

Այսու մեր սիրելի համայնքի ուշադրութեան ենք յանձնում, որ նորընտիր Թեմական խորհուրդը առաջիկայ օրերում նշանակելու է Խորհրդի ենթակայ ազգային մարմինների անձնակազմերը, ուստի խնդրում ենք համագործակցելու ցանկութիւն ունեցող հայրենակիցները մինչեւ թւականիս՝ յունիսի 20-ը աշխատանքային ժամերին դիմել ազգային առաջնորդարան, դիմումնագիր ներկայացնելու համար:

Ազգային առաջնորդարանի աշխատանքային ժամերն են՝ շաբաթ առ չորեքշաբթի առ. ժամը 8-ից 14-ը, հինգշաբթի առ. ժամը 8-ից 12-ը և հեռախօսահամարները՝ 88901634-36:

Առ ի տեղեկութիւն՝ ներկայացնում ենք իւրաքանչիւր մարմնի միջոցով տարւող աշխատանքների բնոյթը:

Կրթական խորհուրդ- Պատասխանատու է հայոց ազգային դպրոցների ներքին կեանքի, ուսումնադաստիարակչական հարցերի, ուսուցիչների, դասագրքերի, հայերէնի դասաւանդման, աշակերտների առաջադիմութեան, նիւթականի ապահովման եւ այլ հարցերի համար:

Կտակա-կալւածային մարմին- Հետեւում է ազգապատկան կալւած-ների արխիւների պահպանմանը, հետեւում է իրաւական հարցերի, կալւածների վաճառման, վարձակալման եւ այլ կերպով օգտագործման խնդիրներին:

Ծխական տուրքի մարմին- Նշանակւում է ծխական տուրքի մարմին, համապատասխան գումար՝ գանձելու համար: Համայնքիս բոլոր ընտանիքները ունեցած եկամուտների համեմատութեամբ վճարում են ծխական տուրք:

Իւրաքանչիւր քաղաքամասի համար նշանակւում է առանձին ենթայանձնախումբ:

Գերեզմանատների վարչութիւն- Հետեւում է գերեզմանատների՝ Դուլաբ եւ Նոր Բուրաստան, ներքին վարչական հարցերին, գերեզմանատըներում աշխատող անձանց՝ քարտաշ, գերեզմանափոր, ծաղկավաճառ, պահակներ եւ այլնի աշխատանքին, ներքին մաքրութեանը եւ կարգաւոր-մանը:

Եկեղեցական խորհուրդներ- Թեհրանի իւրաքանչիւր հայոց եկեղեցի ունի իր առանձին խորհուրդը, որը սովորաբար կազմւած է լինում պատկան քաղաքամասի ազգայիններից: Խորհուրդը հետեւում է եկեղեցու լուսաւորութեանը, պահպանմանը, արարողութիւնների անխափան կատարմանը, երգչախմբին, պաշտօնեաներին եւ այլ խնդիրներին:

Դատական խորհուրդ- Հանդիպումներ է ունենում ընտանեկան դժւարութիւններ ունեցող ամուսինների հետ եւ խորհրդատւութեամբ օժանդակում է նրանց դժւարութիւնները վերացնելու գործին, նաեւ տնօրինում է ապահարզանի եւ ընտանեկան այլ հարցերին առնչւող դիմումները:

Շինարարական մարմին- Հետեւում է ազգապատկան բոլոր կառոյց-ներում՝ դպրոցներ, եկեղեցիներ, բուժարան եւ այլն, անհրաժեշտ նկատւած նորոգութիւններ եւ այլ աշխատանքներ կատարելու գործին՝ նրանց կողմից ստացւած դիմումի հիման վրայ:

Կարիքաւորներին օժանդակող մարմին- Ընթացք է տալիս իրեն դիմող կարիքաւոր ընտանիքներին՝ իր բիւջէից ամսական վճարումներ կատարելով, նաեւ նրանց օգնում է բնակարան վարձելու կամ բնակարանի կանխավճար տալու գործում:

Ուսանողական ֆոնդեր (Շահվերդեան, Պանիրեան եւ դոկտ. Հարմիկ Դաւթեան ֆոնդ)- Մարմինն ընդունում է դիմումներ՝ ֆոնդից օգտւել ցանկացող ուսանողներից եւ ֆոնդի կանոնադրութեան համապատասխան՝ ընթացք է տալիս այդ դիմումներին եւ տարեկան յատկացումներ կատարում:

«Ա. Աւետիսեան» բուժարանի Խնամակալ մարմին- Մարմինը հսկում եւ տնօրինում է բուժարանի ներքին եւ արտաքին, նիւթական, վարչական եւ այլ կարգի բոլոր հարցերը եւ հետեւում սոյն հաստատութեան ամբողջական գործունէութեանը:

Յարաբերական մարմին- Իր հաղորդագրութիւններով, տեղեկատւութեամբ ու բացատրութիւններով կապ է պահում հայ համայնքի, ինչպէս նաեւ պետական շրջանակների եւ պարսկական կազմակերպութիւնների կամ պարսիկ անհատ հայրենակիցների հետ՝ ընթացք տալով նաեւ նրանց կողմից եղած դիմումներին ու հարցումներին:

Իրան-Իրաք Պարտադրեալ Պատերազմի Հայ Անձնուրացների Արժէքների Պահպանման Յանձնախումբ- Յանձնախումբը հետևում և վերահասու է լինում պարտադրեալ պատերազմի նահատակների ընտանիքների, Անձնուրացների և Ազատորդիների խնդիրներին։ Թեմական Խորհրդիի հաստատումով, կապ է պահպանում պետական համապատասխան մարմինների հետ։

ԹԵՀՐԱՆԻ ՀԱՅՈՑ ԹԵՄԻ ԹԵՄԱԿԱՆ ԽՈՐՀՈՒՐԴ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com