Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԾՊՏԵԱԼ ՀԱՅԵՐԸ ԱՐԵՒՄՏԵԱՆ ՀԱՅԱՍՏԱՆՈՒՄ

Այս թեմայի շուրջ, երեքշաբթի, ապրիլի 30-ին, Մեծ Եղեռնի 104-րդ տարելիցի առիթով, Թեհրանի Փերիոյ Կրթասիրաց միութեան կենտրոնատեղիում, ելոյթ ունեցաւ, Իրանի իսլ. խորհրդարանի պատգամաւոր՝ դոկտ. Կարէն Խանլարեանը։

Հիմնականում խօսելով Համշենահայերի և Արևմտեան Հայաստանի տարբեր շրջաններում այսօր ապրող բռնի կրօնափոխ դարձած հայերի մասին, օրւայ բանախօսը ներկայացրեց պատմական այն շարժառիթները, որոնց պատճառով հայը իր ֆիզիքական գոյութիւնը պահպանելու համար, ստիպւած հաւատափոխ է դարձել։ Նա իր ելոյթում շեշտեց, որ անցնող հարիւրամեակներում, մասնաւորաբար 1915 թւականին Թուրքիայի կողմից գործադրւած Ցեղասպանութեան հետևանք է, Արևմտահայութեան այս զանգւածների կրօնափոխ դառնալու փաստը։ Պրն. Խանլարեանը նշեց, որ Համշենահայերը պահել են իրենց լեզուն ու բարբառը և որոշ աւանդոյթներ, իսկ Արևմտեան Հայաստանի միւս շրջանների հաւատափոխ դարձած հայերը կորցրել են նաև լեզուն, սակայն այսօր իրենց հայ են զգում և աստիճանաբար վերադառնում են իրենց Ազգային արմատներին։

Բանախօսը շեշտելով, որ իւրաքանչիւր հայ, Հայաստան ասելիս պէտք է հասկանայ Վիլսինեան սահմանագրած ողջ տարածքը, յաւելեց, որ այսօր մեր բռնագրաււած հողերում, հայութեան այդ բեկորներն են, ապագայ Միացեալ Հայաստանի ստեղծման հիմնական դերակատարները։ Եւ այս իրողութիւնից ելնելով համայն հայութիւնը, սկսած Հայաստանի պետական շրջանակից, մինչև հայոց եկեղեցին ու հայկական կուսակցութիւններն ու հասարակութիւնը, ծրագրաւորւած լուրջ և երկարամեայ աշխատանք ունեն կատարելու։

Բանախօսութեան աւարտին եղան հարցումներ , որոնց սպառիչ պատասխանեց դոկտ. Խանլարեանը։

Միջոցառման սկզբում ողջոյնի խօսք ասաց Փերիոյ Կրթասիրաց Միութեան նախագահ՝ Գասպար Ամիրխանեանը, որը նախ վերյիշեց 1991-ի ապրիլի 30-ին, Գետաշէնում և Մարտունաշէնում զոհւած Արցախեան Ազատամարտի հերոսներ՝ Թաթուլ Կրպէեանին և միւս նահատակներին, ապա հակիրճ զեկոյց ներկայացրեց միութեան աշխատանքների վերաբերեալ։

Շուրջ երկու ժամ տևած ծրագիրը աւարտւեց երեկոյեան ժամը 9:45-ին։

Փերիոյ Կրթասիրաց Միութեան Թեհրանի Մասնաճիւղ

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ