Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Հոգեհանգստեան Արարողութիւն` Իրան-Իրաք Պատերազմի Հայ Նահատակների Հոգու Համար

Թւականիս, ուրբաթ հոկտեմբերի 2-ին առաւօտեան, Սուրբ և Անմահ Պատարագի աւարտին տեղի ունեցաւ հոգեհանգստեան արարողութիւն՝ Իրանում սրբազան պաշտմանութեան շաբաթւայ առիթով և Իրան-Իրաք պարտադրեալ պատերազմի հայ նահատակների հոգու խաղաղութեան համար:  Կրօնական արարողութիւնը նախագահում էր Թեմիս առաջնորդ՝ Գերշ. Տ. Սեպուհ Ս. Արք. Սարգսեանը:  Արարողութեանը ներկայ էին Թ.Հ.Թ. Թեմական խորհրդի ազգային մարմինների ներկայացուցիչները և նահատակների ընտանիքները:

Հոգեհանգստեան արարողութիւնից առաջ՝ Սրբազան Հայրը, քարոզի ընթացքին բացատրեց հոգեհանգստեան արարողութեան իմաստը նշելով՝ «Հոգեհանգստեան արարողութիւնը իր քրիստոնէական, կրօնական իմաստով նշանակում է աղօթել, նշանակում է խնդրել Աստծուց որպէսզի միգուցէ ինքն իր հայրական անհուն սիրով մեր ննջեցեալներին ողորմի և նրանց դասի իր ժառանգակիցների դասին»:  Աւելացնելով՝ «ամէն անգամ երբ հոգեհանգստեան արարողութիւն ենք կատարում Աստւածաշնչական հասկացողութեամբ մենք խնդրամատոյց ենք լինում առ Աստւած, մեր ննջեցեալների նկատմամբ Իր որղորմածութեան, արդարադատութեան, Իր սիրոյ և Իր ունեցած նախանձախնդրութեան համար»:

Սրբազան Առաջնորդը անդրադառնալով Իրան-Իրաք պարտադրեալ պատերազմի տարիներին հայ զինւորների սխրագործութիւններին, ասաց.«Այսօր երբ աղօթք ենք մատուցանում, մեր երկրի համար նահատակւած մեր զինւորների հոգիների խաղաղութեան համար, խորքում հաւատում ենք, որ նրանք որպէս սեփականութիւն ազգին, ժողովրդին, կազմում են նաև փառքը և պատիւը՝ քրոստոնէական եկեղեցուն և իբրև այդպիսին, մենք Աստծուն փառք ենք տալիս որ ունեցել ենք նման նահատակներ:  Մեր ժողովուրդը, նահատակութիւնը նւիրական պարտականութիւն է համարել, այդ պատճառով էլ եկեղեցու հայրերից մէկն ասել է թէ՝ նահատակների արիւնը՝ եկեղեցու սերմն է, եկեղեցին աճեցնող իրականութիւնը»:   Յետոյ աւելացրեց՝ «...այդ նահատակութեան արդիւնքն է այսօր, որ Իրանն ամբողջ շրջանի երկրների շարքում իր ինքնուրոյն կարևոր դերն և դերակատարութիւնն ունեցել է և ունի, դառնալով տարածաշրջանի ամենից կարևոր երկիրը, որի դերակատարութիւնը խաղաղութեան հաստատման, արդարութեան իրականացման գործում մեծապէս կարևորւում է: Հետևաբար, մենք մեր նահատակներով հպարտանում ենք և Աստծուն փառք ենք տալիս այս բոլորի համար»:

Սրբազան Հայրը անդրադառնալով Սաուդական Արաբիայի մէջ, ուխտագնացութեան ընթացքին տեղի ունեցած աղետալի արկածին, ասաց.՝«զոհ դարձած հազարաւոր մարդկանց մէջ կային նաև հարիւրաւոր իրանցի անմեղ ուխտաւորներ, մենք այս տխուր առիթով մի կողմից մեր զօրակցութիւնն ու աղօթակցութիւնը յայտնեցինք երկրի հոգևոր առաջնորդին, յատուկ ցաւակցական նամակ ուղարկելով իրեն և միևնոյն ժամանակ մեր զօրակցութիւնն ու դատապարտութիւնը Սաուդական Արաբիոյ իշխանութեան, որի անզգուշութեան և անխոհեմութեան հետևանքով տեղի ունեցաւ այս աղետը»:

Քարոզի վերջում, Առաջնորդ Սրբազանը շեշտեց. «Այս մտածումներով է, որ աղօթում ենք մեր նահատակների հոգիների խաղաղութեան համար:  Աղօթենք աշխարհի խաղաղութեան համար, աղօթենք Իրանի ժողովրդին և Իրանի ղեկավարութեան մտքի պայծառութեան, քաջութեան և ինչու չէ նաև մտքի լուսաւորութեան համար, որպէզի կարողանան մեր ժողովուրդն առաջնորդւել խաղաղութեամբ և արդարութեամբ յանուն աւելի փայլուն ապագայի»:

Հոգեհանգստեան արարողութիւնից յետոյ, Ազգային Առաջնորդարանը, Թեմիս առաջնորդի գլխաւորութեամբ՝ հոգեճաշ էր կազմակերպել, Հայ Ուսումնասիրաց Չհարմահալ Միութեան, Յովհաննէս Թումանեան սրահում, որտեղ հրաւիրւած էին Իրան-Իրաք պարտադրեալ պատերազմի հայ նահատակների և անձնուրացների ընտանիքների անդամները:

Միջոցառման սկզբին, ներկայացւեցին Թ. Հ. Թեմի «Պարտադրւած Պատերազմի Իրանահայ Անձնուրացների Արժէքների Պահպանման Յանձնախումբ»-ի անդամները, ապա կարճ բացատրութիւններ տրւեցին յանձնախմբի կատարւած և կատարւելիք աշխատանքների մասին:

Ապա, Սրբազան Հայրը արտայայտւեց, շեշտելով նահատակների և անձնուրացների կարևորութեան դերը իրանահայութեան կեանքում:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Ուրբաթ 22 Յուլիսի 2022;
Ե. օր Վարդավառի պահոց Հռոմէացիներ 16.17‐27։ ԱՒԵՏԱՐԱՆ ԸՍՏ ՄԱՏԹԷՈՍԻ 15.39‐16.12։

Շաբաթ 23 Յուլիսի 2022;
Յիշատակ Տապանակին հնոյ եւ տօն նորոյս Սրբոյ Եկեղեցւոյ Ելք 25.10-14։ Յեսու 3.14-4.18։ Ա Թագաւորաց 6.18-7.2։ Բ Թագաւորաց 6.12-19։ Եբրայեցիներ 9.1-10։ ԱՒԵՏԱՐԱՆ ԸՍՏ ՄԱՏԹԷՈՍԻ 5.17-20։

Կիրակի 24 Յուլիսի 2022;
ՊԱՅԾԱՌԱԿԵՐՊՈՒԹԻՒՆ ՏԵԱՌՆ ՄԵՐՈՅ ՅԻՍՈՒՍԻ ՔՐԻՍՏՈՍԻ (Վարդավառ) Իմաստութիւն Սողոմոնի 7.25-8.4։ ԶԱՔԱՐԻԱ 14.16-21։ Ա Յովհաննէս 1.1-7։ ԱՒԵՏԱՐԱՆ ԸՍՏ ՄԱՏԹԷՈՍԻ 16.13-17.13։

Երկուշաբթի 25 Յուլիսի 2022;
Բ. օր Վարդավառի: ՅԻՇԱՏԱԿ ՄԵՌԵԼՈՑ Ելք. 19.9-13։ Դ Թագաւորաց 2.9-12։ Ա Յովհաննէս 5.9-12։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 1.1-17։

Երեքշաբթի 26 Յուլիսի 2022;
Գ. օր Վարդավառի Ելք 19.16‐20։ Գ Թագաւորաց 19.11‐16։ ԹՈՒՂԹ ԵԲՐԱՅԵՑԻՆԵՐԻՆ 12.18‐27։ ԱՒԵՏԱՐԱՆ ԸՍՏ ՂՈՒԿԱՍԻ 9.27‐36։

Չորեքշաբթի 27 Յուլիսի 2022;
Պահք Ա Կորնթացիներ 1.1‐9։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.4։

Հինգշաբթի 28 Յուլիսի 2022;
Սրբոյն Եսայեայ մարգարէին ԵՍԱՅԻ 6.1‐10։ ԹՈՒՂԹ ԵԲՐԱՅԵՑԻՆԵՐԻՆ 11.32‐40։ ԱՒԵՏԱՐԱՆ ԸՍՏ ՂՈՒԿԱՍԻ 4.14‐22։

Ուրբաթ 29 Յուլիսի 2022;
Պահք Ա Կորնթացիներ 1.10‐18։ ԱՒԵՏԱՐԱՆ ԸՍՏ ՄԱՏԹԷՈՍԻ 18.2‐9։

Շաբաթ 30 Յուլիսի 2022;
Սրբոցն Թադէոսի առաքելոյն մերոյ եւ Սանդխտոյ կուսին Իմաստութիւն Սողոմոնի 1.1-7։ ԵՐԵՄԻԱ 16.16-21։ Ա Կորնթացիներ 12.28-13.10։ ԱՒԵՏԱՐԱՆ ԸՍՏ ՂՈՒԿԱՍԻ 9.1-6։

Կիրակի 31 Յուլիսի 2022;
Բ կիր. զկնի Վարդավառի ԵՍԱՅԻ 3.16-4.1։ Ա Կորնթացիներ 11.25-30։ ԱՒԵՏԱՐԱՆ ԸՍՏ ՄԱՏԹԷՈՍԻ 18.10-14։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ