Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Ս. և Անմահ Պատարագ՝ Սրբոց Վարդանանց Տօնի առիթով

Հինգշաբթի, 28 փետրւար 2019-ին, տօնն էր Սրբոց Վարդանանց Զօրավարացն Մերոց և 1036 վկայիցն: Այս առիթով հանդիսաւոր Ս. եւ անմահ Պատարագ մատուցւեց Թեհրանի մեր եկեղեցիներում:

Սրբոց Վարդանանց Զօրավարաց Տօնը համընկնում է նաև Սարդարապատ թաղամասի Սրբոց Վարդանանց Եկեղեցու անւանակոչութեան տօնին:

Այս առիթով հինգշաբթի 28 փետրւարին, Սրբոց Վարդանանց Եկեղեցում մատուցւեց հանդիսաւոր Ս. պատարագ: Պատարագեց և քարոզեց թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Սրբազան Հայրը բացատրելով Սրբոց Վարդանանք տօնի խորհուրդը, ասաց. «Քրիստոսի հաւատքի նահատակները, ֆիզիկապէս նահատակւեցին, բայց հոգեպէս այսօր էլ կան, որպէս Քրիստոսի եկեղեցու ներշնչող ուժ ու զօրութիւնը: Երբ մենք ոգեկոչում ենք նահատակութիւնը մեր սուրբերի, այս պարագային Ս. Վարդանի, իր զօրակիցների և իր հետ նահատակւած 1036 հոգիներին, հաւատում ենք, որ նրանք մեր համար և մեր քրիստոնէական հաւատքի պահպանման համար նահատակւեցին»:

«Մենք հաւատացած ենք, որ Վարդանանց ճակատամարտը պարզապէս հաւատքի և հայրենիքի ճակատամարտ է, դրա համար է, որ մեր ազգային-եկեղեցական կեանքի մէջ չկայ որևէ մէկ տօն, որ Վարդանանց նահատակների յիշատակի չափ ազդած լինի մեր ժողովրդի և մեր եկեղեցու կեանքին և մեր պատմութեան վրայ: Դա պատերազմ էր մեր ազգային-հոգևոր արժէքների պահպանման համար և սրանցից աւելի մեծ սրբութիւն չկայ մի ժողովրդի կեանքում»-յաւելեց Սրբազան Հայրը:

Սրբազան Հայրը աւելացրեց՝ «Վարդանանց ճակատամարտը մէկ օրով չվերջացաւ, շարունակւեց գոյապայքարը հաւատքի և մեր լեզւի պահպանման, ու շարունակւում է մինչ այսօր և բոլոր այն թանկագին արժէքները, հոգևոր գանձերը, որոնք մնացին մեզ համար Վարդանի սերնդից, մենք այսօր պատրաստ ենք պահել և պահպանել»:

Մի այլ բաժնում, նա շեշտեց՝ «Հայաստանի հիմնը, եռագոյնը և գերպը, որևէ մի կուսակցութեան չեն պատկանում: Սրանք ողջ հայութեան սրբութիւններն են և հայրենի մեր պատմութիւնը պարտ է պահել այս նւիրական սրբութիւնները»:

Ս. Պատարագի աւարտին, եկեղեցու խորհուրդը, եկեղեցու ներքևի սրահում կազմակերպել էր գեղարւեստական ծրագիր և համեստ ընդունելութիւն: Օրւայ առիթով արտայայտւեց Սրբազան Հայրը: Վերջում, Սրբազան Հօր ձեռամբ, արժ. Տ. Մաշտոց քհն. Խաչատրեանը, եկեղեցու դպրաց դասը և երգեցիկ խումբն ստացան եկեղեցու խորհրդի կողմից պատրաստւած նւէրներ:

Պատարագին և ծրագրին ներկայ էին Թեմական Խորհրդի անդամներից, Եկեղեցական Խորհրդների անդամներից, Սարդարապատ և Անի միութիւնների ներկայացուցիչները, նախկին պատգամաւոր՝ պրն. Վարդան Վարդանեանը ինչպէս նաև թաղից հոծ բազմութիւն:

ՏՕՆԵՐ

Կրօնական Տօների Օրացոյց


Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Կիրակի 28 Ապրիլի 2024;
Սուրբ Խաչի Երեւման Տօն

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ