Երեքշաբթի 1 յունւար 2019-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը տարիների իր սովորութեան համաձայն, որպէս քրիստոնէավայել ու մարդասիրական արարք, յատուկ այցելութիւններ տւեց 5 հայ կարիքաւոր ընտանիքներին:
Այցելութեան նպատակն էր Ամանորին ու Սուրբ Ծննդեան նախօրէին իր զօրակցութիւնը յայտնել վերոյիշեալ ընտանիքների անդամներին եւ իր հայրական յորդորներով, խորհուրդներով, աղօթքներվ, օրհնութեամբ ու ներկայութեամբ քաջալերել, յուսադրել, գօտեպնդել եւ մխիթարել նրանց:
Այցելութիւններին Սրբազան Հօրը ընկերակցում էին Առաջնորդի օգնական՝ գերշ. Մեղրիկ Ս. Եպս. Բարիքեանը, Թ.Հ.Թ.-ի Թեմական Խորհրդի ներկայացուցիչ՝ պրն. Սերոժ Մատթէուսեանը, Թ.Հ.Թ. Կարիքաւորներին Օժանդակող Մարմնի անդամները:
Սրբազան Հայրն իր այցելութեան ընթացքին իւրաքանչիւր ընտանիքի պարագայի համաձայն իր բարոյական ու հոգեւոր աջակցութեան առընթեր՝ Նոր Տարւայ եւ Ս. Ծննդեան զոյգ տօների առիթով պատրաստւած շնորհաւորական բացիկներ, աղօթագրքեր, ինչպէս նաեւ նիւթական ու խորհրդանշական նւէրներ բաշխեց նրանց: