Սոյն թւականի յունւարի 8-ին, Նոր տարւայ և Սուրբ Ծննդեան տօների առիթով Հայոց ազգ. «Արարատ» դպրոց այցելեցին 8-րդ շրջանի Կրթադաստիարակչութեան տնօրէն՝ Տկն. Զամանը, յարակից բաժինների պատասխանատուներ՝ պրն. Ամիրինեժադը և տկն. Դարբանին:
Նրանց դիմաւորեցին Թ.Հ.Թ Կրթական խորհրդի ատենապետ՝ տկն. Անեթ Բաղդասարեանը, խորհրդի անդամներ՝ պրն. Սաքօ Ազիզեանը և տկն. Մելինդա Քարիմ Մասիհին, դպրոցի տեսչուհի՝ տկն. Դիւանեանը, փոխտեսչուհիներ՝ տկն. Մարգարիտ Խաչատրեանը և տկն. Անեթ Կարապետեանը, ուսուցչական կազմը, ծնողական խորհրդի անդամները և աշակերտները:
Տկն. Զամանին իր ամանորեայ և Սուրբ ծննդեան շնորհաւորանքի ուղերձը յղեց ներկաներին, ինչպէս նաև իր խօսքում անդրադարձաւ աղջիկների լաւ կրթութիւն և դաստիարակութիւն ստանալու անհրաժեշտութեանը, իսկ դպրոցի աշակերտուհիներն իրենց աշխոյժ և ուրախ երգերով, Ձմեռ պապիկն իր այցելութեամբ տօնական և բարձր տրամադրութիւն ստեղծեցին:
Հանդիպումը կայացաւ մտերմիկ մթնոլորտում, հիւրերը դպրոցից հեռացան տպաւորւած և բարձր տրամադրութեամբ:
Թ.Հ.Թ. Կրթական Խորհուրդ
http://www.tehranprelacy.com/9-content-hy/news-hy/2176-2019011203?tmpl=component&print=1#sigProIdd77dd5979c