ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիպում Իրանահայ 30% վիրաւոր և ազատորդի, արւեստագէտ՝ Սեմիկ Վարդանեանի հետ

Երկուշաբթի Մայիսի 28-ի առաւօտեան, Սասուն հայաշատ թաղամասի «Նայիրի» հայոց ազգային տղայոց դպրոցում, Իրանի Իսլամական Յեղափոխութեան թանգարանի բարձրագոյն պատասխանատուներից՝ թանգարանի տեսչութեան գործադիր տնօրէն՝ պրն. Միրզային և Թանգարանի մշակութային պատգամաւոր՝ դոկտ. Վալիզադէն հանդիպեցին Իրանահայ, 30% վիրաւոր և ազատորդի, արւեստագէտ՝ Սեմիկ Վարդանեանի հետ:

Նրանց ուղեկցում էին Իրան-Իրաք պարտադրեալ պատերազմի հայ անձնուրացների արժէքների պահպանման յանձնախմբի անդամներից՝ Արտուշ Իսկանդարեանը և Գուրգէն Քարամեանը:

Դպրոցի մուտքի մօտ, նրանց դիմաւորեցին Նայիրի դպրոցի տեսուչ՝ պրն. Աբուին և փոխտեսչուհի՝ տկն. Հրանուշ Սարգսեանը:

Դպրոցի դասարաններից մէկը հատկացրել էին Սեմիկ Վարդանեանին, որտեղ նա զբաղւում էր գեղանկարչութեամբ ու ձեռքի աշխատանքներով: Այնտեղ աչքի էր ընկնում երկու մեծ գեղանկարչութիւններ (3×1.5 մետր չափերով), որոնցից մէկում նա նկարել էր գերութեան իսկ միւսում ազատութեան ժամանակաշրջանը: Այս երկու գեղանկարչութիւնները ներկաների բարձր հետաքրքրութեան և գնահատանքի պատճառ դարձան:

Ներկաների հարցերին պրն. Վարդանեանի տւած բացատրութիւններն աւելի շատ հետաքրքրութիւն առաջացրեց, այնպէս որ, Իրանի Իսլամական թանգարանի պատասխանատուները խոստացան ամէն ինչ անել, որպէսզի յեղափոխութեան թանգարանի սրահներից մէկում տեղ հատկացւի Սեմիկ Վարդանեանին, իր ստեղծած գեղանկարչութիւնների ցուցահանդէսը կազմակերպելու և ցուցդրելու և որպէս հայ ազատորդի ու պատերազմի վիրաւոր արւեստագէտ ներկայացւի հասարակութեան, որը անչափ ոգևորեց ու քաջալերեց պրն. Վարդանեանին:

Հարցին կը հետևի Իրան-Իրաք պարտադրեալ պատերազմի հայ անձնուրացների արժէքների պահպանման յանձնախմբը:

Իրան-Իրաք պարտադրեալ պատերազմի հայ անձնուրացների արժէքների պահպանման յանձնախումբ

 

 

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com