Ուսումնական 2015-2016 տարեմուտի հէնց առաջին օրերին, հինգշաբթի հոկտեմբերի 1-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, առաջնորդարանի դահլիճում ընդունեց կրօն դասաւանդող հայ ուսուցիչ-ուհիներին:
Սրբազան Հայրը ուսուցիչ-ուհիների ուշադրութեանը յանձնեց կրօնի կարևորութիւնը և շեշտեց, որ պէտք է նախանձախնդրօրէն դասաւանդութիւնը կատարեն, փորձելով աշակերտութեան փոխանցել, որ կրօնը կեանք է, հետևաբար առանց կրօնական ուսուցումների, դաստիարակութիւնը անկատար կը լինի:
Այնուհետև, Առաջնորդ Սրբազանը անդրադառձաւ կրօնի դասագրքերի և դասերի դասաւանդման կերպերին, շեշտելով այն, որ ուսուցիչը հէնց դասարանում պէտք է սովորեցնի դասը, այն կապելով մեր առօրեային:
Եղան հարցումներ, առաջարկներ, որոնց Սրբազան Հայրը պատասխանեց, յայտնելով, որ նման հադիպումներ շատ կարևոր են, կրօնի դասաւանդութիւնը աւելի օգտաշատ և արդիւնաւետ դարձնելու տեսակէտից:
