ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Երկխօսութիւն Իրանի Մշակոյթի Իսլամական Հաղորդակցութեան Կազմակերպութեան Կենտրոնատեղիում

Շաբաթ, մայիսի 15-ի յետ միջօրէին, մեկնարկւեց Իրանի Մշակոյթի եւ Իսլամական Հաղորդակցութեան Կազմակերպութեան եւ Ռուս Ուղղափառ Եկեղեցու միջեւ կայացած երկխօսութեան 11-րդ փուլը, որը կայացաւ Մշակոյթի Իսլամական Հաղորդակցութեան Կազմակերպութեան կենտրոնատեղիում «Կրօն եւ Բնապահպանութիւն» խորագրով:

Այս համագումարին եւս իր մասնակցութիւնը բերեց Թեմիս Բարեխնամ Առաջնորդ՝ Տ. Սեպուհ Ս. Արք. Սարգսեանը, ընկերակցութեամբ Արժ. Տ. Գրիգորիս Քհնյ. Ներսէսեանի ու Պրն.Արտոյտ Զոհրաբեանի:

Սրբազան Հայրը իր խօսքի մէջ արտայայտւեց կենսոլորդի եւ բնապապանութեան թեմային՝ ինչը յոյժ առնչւելով մարդկային կեանքին, հետաքրքրում է մեզ:

Սրբազան Հայրն իր խօսքում ասաց. «Քրիստոնէութիւնը հաւատում է, որ բոլոր աւանդութիւններում առկայ է դէպի բնութիւն եւ կենսոլորդ վերադարձի ցանկութիւնը: Սրա մասին վկայում են Աստւածաշնչի Ծննդոց գրքի եւ Նոր Կտակարանի բազում համարներ: Նոյնպէս Քրիստոնէութիւնը հաւատում է, որ Աստւած բնութիւնը մարդ արարածի բարիքի համար ստեղծեց եւ վերջինս պարտաւոր է պահպանել ու տնտեսել այն»:

Սրբազան հայրը շեշտեց. «Մենք պարտաւոր ենք պահպանել Աստծու կողմից մեզ աւանդւած երկիրը, քանզի նա աստւածային պարգեւ է»: Նաեւ ասաց՝ «Մենք, աստւածային կրօնների հետեւորդներս պիտի ուղղորդւած լինենք բնապահպանութեան, որովհետեւ բնութիւնը Աստծու ստեղծագործութիւնն է: Բնապահպանութիւնը Աստծու կողմից մեզ վստահւած պարտականութիւն է»:

Նա. աւելացրեց՝ «Հոգևոր առաջնորդները կրօնական հաւատալիքների ընդմիջից հաւատացեալներին բնութիւնը պահպանելու կոչ են ուղղում, ուսուցումներ, որ բոլորս պիտի կառչած մնալով դրանց, պահպանենք մեր աշխարհը»:

Վերջում Սրբազան Հայրը նաեւ ակնարկեց Հայաստանում Խոսրովի անտառի մասին, յաւելելով՝ «Հայաստանում շատ վաղ ժամանակներից սկսեալ յատուկ խնամք էր տարւում անտառներին և բնապահպանութեան գործին»:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com