Ս. Յարութեան Տօնի Յաջորդող Մեռելոցի Պատարագը Նոր Բուրաստանում

Հրատարակւած՝ Չորեքշաբթի, Ապրիլի 04, 2018, ժ. 14:00 | Տպել | Ուղարկել էլ-փոստով

Մեր եկեղեցու հայրերը տարւայ ընթացքում տաղաւար կոչւած հինգ մեծ տօների յաջորդող օրը նւիրել ու յատկացրել են մեզանից մարմնաւորապէս բաժանւած ննջեցեալների հոգիների յիշատակման, նրանց համար աղօթք բարձրացնելու, Աստծու ողորմութիւնը հայցելու, նրանց փրկութեան համար պատարագ մատուցելու եւ հոգեհանգստեան պաշտօն կատարելու եւ նրանց հոգիների համար յաւիտենական հանգիստ եւ խաղաղութիւն խնդրելու:

Թւականիս երկուշաբթի ապրիլի 2-ի առաւօտեան Նոր Բուրաստանի Ս. Ստեփանոս մատուռում տեղի ունեցաւ մեռելոցի պատարագ: Պատարագը մատուցեց Հոգշ. Տ. Վիգէն վրդ. Տալգլըճեանը:

Պատարագի աւարտին մատռան մուտքին տեղի ունեցաւ հոգեհանգստեան պաշտօն նախագահութեամբ Թեմիս առաջնորդ՝ Գերշ. Տ. Սեպուհ Ս. Արք. Սարգսեանի: Եկեղեցական զոյգ արարողութիւններին ներկայ էին նաեւ առաջնորդական փոխանորդ Գերշ. Տ. Մակար Ս. Եպս. Աշգարեանը, Հոգշ. Տ. Արտաւազդ աբղ. Շարոյեան եւ արժանապատիւ քահանայ հայրեր ու գնահատելի թւով բարեպաշտներ:

Հոգեհանգստեան արարողութիւնից յետոյ Առաջնորդ Սրբազան Հայրն իր ընկերակիցների հետ այցելեց նահատակաց պանթէոն եւ Թեհրան Երեւան թռիչքի Աւիավթարի զոհերի դամբարանը, որտեղ եւս յատուկ աղօթք բարձրացրեց առ Աստւած նրանց հոգիների հանգիստի եւ խաղաղութեան համար:

View the embedded image gallery online at:
http://www.tehranprelacy.com/9-content-hy/news-hy/1749-2018040403#sigProIdc5ce963df0

Լեզու | زبان

Search

Կապ մեզ հետ

Ս. Յարութեան Տօնի Յաջորդող Մեռելոցի Պատարագը Նոր Բուրաստանում

بخش فارسی

ՏՕՆԵՐ

Կրօնական Տօների Օրացոյց

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ

Հայկական անձնանուններ