ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՆՈՐՈՒԶԵԱՆ ՇՆՈՐՀԱՒՈՐՈՒԹԻՒՆՆԵՐ

Մօտաւոր Նովրուզի (նոր տարի) ուրախառիթ տօնի առիթով սրտանց շնորհաւորում ենք իրանցի մեր բոլոր հայրենակիցներին եւ նրանց մաղթում յաջողութիւն, առողջութիւն, արեւշատ երկար, արդիւնաւէտ եւ օրհնաբեր կեանք լի աստւածային օրհնութիւններով։

Նոր տարին՝ Նովրուզը գեղեցիկ առիթ է ուրախութեան, վերանորոգութեան եւ նոր յոյսերով ու տեսիլքներով շարունակելու Աստծուց մեզի տրւած կեանքը։

Անցեալ տարին Իրանի եւ Իրանի մեծ ժողովրդի համար եղաւ նոր նւաճումների եւ միջազգային հարթակի վրայ նոր ձեռքբերումների տարի։ 1396-ը յատկանշւեց գիտական, մշակութային, պաշտպանողական եւ այլ բնագաւառում մեծ յաջողութիւններով։ Սիրում ենք հաւատալ, որ յառաջիկայ նոր 1397-ը եւս նոյն եւ աւելի մեծ ջանասիրութեամբ կեանքը շարունակւելու ի խնդիր աւելի բարգաւաճ ու յառաջադէմ եւ խաղաղ Իրանի։

Մի անգամ եւս շնորհաւորում ենք Յեղախոխութեան հոգեւոր առաջնորդ Այաթոլլահ Ալի Խամենէիին, երկրի նախագահ՝ դոկտ. Ռուհանիին եւ իր կառավարութեան, պետական այրերին եւ ողջ ժողովրդին. թող նովրուզեան նորածագ արեւը ջերմացնէ սրտերը մեր ժողովրդի բոլոր զաւակների, որպէսզի ջերմ սիրով ու փոխադարձ յարգանքով շարունակեն իրենց կեանքը եւ մնան միշտ յանձնառու մեր հայրենիքի՝ սիրելի Իրանի հանդէպ։

Աստւածային օրհնութիւն եւ առաջնորդութիւն ենք հայցում բոլորիդ։


ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

19 Մարտ 2018
Թեհրան

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com