Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՅԱՒԵՐԺ ՅԻՇԱՏԱԿԵԼԻ ԹՒԱԿԱՆ 22 ԲԱՀՄԱՆԻՆ

Իրանի Իսլամական Հանրապետութեան հազարաւոր տարիների պատմութեան մէջ, կան յիշատակութեան արժանի թւականներ, որոնք Իրանի ժողովրդի պատմութեան մէջ վճռորոշ դեր են ունեցել եւ եղել են անկիւնադարձային։
Արդի պատմութիւնը Իրանի Իսլամական Հանրապետութեան վկայում է, որ պատմական յիշատակելի ու անմոռաց թւականներից է 22 Բահմանը, մի թւական, որ ոչ միայն Իրանի արդի պատմութեան մէջ եղաւ ճակատագրական, այլեւ տարածաշրջանային ու համաշխարհային պատմութեան ընթացքի վրայ իր անջնջելի դրոշմն է դրել։

22 Բահմանը եղաւ մեկնակէտ մի նոր կեանքի, երանգաւորւած կրօնական սկզբունքներով եւ որ սակայն չեղաւ ծայրահեղական ու այլամերժ, այլ ընդհակառակը՝ հաւատարիմ իրանեան բազմակրօն մշակոյթի աւանդութեան, իր իսկ առաջնորդութեամբ ամրագրեց միաստւածային կրօնների համատեղ գործակցութեան երեւոյթը, որպէս հրամայական պահանջ, ներկայ դարի պայմաններին եւ ինչու չէ նաեւ պատւանդան ժողովուրդների խաղաղ ու ստեղծագործ կեանքի։

Իրանի Իսլամական Յեղափոխութեամբ ողջ Իրանի կեանքը կերպարանափոխւեց. կրօնական ու ազգային անվտանգութեան շահերից մեկնած իրերայաջորդ իշխանութիւնները փորձեցին եւ շարունակում են փորձել հաւատարմութեամբ գործադրել այն մտածումները, գաղափարներն ու սկզբունքները, որոնք Իսլամական Յեղափոխութեան ռահվիրա հանգուցեալ Իմամ Խումէյնու կեանքի եւ գործունէութեան պատւանդանն էին, հանդիսանալով միաժամանակ մեկնակէտը Իսլամական Յեղափոխութեան։

Անցնող 39 տարիները իրենց վերիվայրումներով, տագնապներով հանդերձ եղան եղափոխիչ ու կերպարանափոխիչ Իրանի ժողովրդի կեանքում։ Յեղափոխութեան երկրորդ տարին եւ այնուհետ անոր յաջորդ տարիները յատկանշւեցին յանուն Իրանի Իսլամական Հանրապետութեան տարածքային ամբողջականութեան պահպանման համար մղւող բուռն պայքարով, պայքար, որ շնորհիվ Իրանի մեծ ժողովրդին, ի վերջոյ պսակւեց փառաւոր յաղթանակով։ Ութամեայ աւերիչ պատերազմը շղթայազերծւած սատտամեան իշխանութեան եւ իր ետին կանգնած մեծապետական երկրների կողմից եկաւ վկայելու, որ Իրանի մեծ ու քաջարի ժողովուրդը իր երկրի, հայրենիքի եւ անոր կապւած ազգային ու հոգեւոր արժէքները ամէն բանից վեր է դասում եւ նրանց ամբողջական պահպանման համար միշտ պատրաստ է իր կեանքը նւիրաբերելու։

Իրանի Իսլամական Յեղափոխութեան մեծագոյն իրագործումներից Իրանի ժողովրդի միասնականութեան պահպանումը եղաւ։ Իսլամը իր Շիի եւ Սիւնի հատւածներով, քրիստոնեան իր բոլոր յարանւանութիւններով, զրադաշտականն ու հրեան, մի խօսքով բոլոր փոքրամասնութիւնները երկրի Իսլամական Խորհրդարանի սահմանադրութեամբ, առաջին անգամ լինելով, պետական պաշտօնական հովանաւորութեամբ իրենք իրենց ազատ քաղաքացիներ զգացին եւ իբրեւ այդպիսին վայելեցին ու վայելում են քաղաքացիական իրենց իրաւունքները, փոքրամասնութեանց վերապահւած իրաւունքների կողքին։ Այս իրողութեան գեղեցկագոյն փաստը՝ Յեղափոխութեան եւ ութամեայ պատերազմի հէնց առաջին օրերին, ողջ Իրանի ժողովուրդը իր բոլոր հատւածներով, մէկ մարդու պէս, ոտքի կանգնեց եւ արար աշխարհին ցոյց տւեց իրանցու հաւատաւոր կապւածութիւնն ու յանձնառութիւնը իր հայրենիքի պաշտպանութեան սրբազան գործում։

Իրանի Իսլամական Յեղափոխութեան ռահվիրա Իմամ Խումէյնու ժողովրդանւէր յեղափոխութեան մեծագոյն արժէքը կայանում է իր ՛՛Ժողովրդի յեղափոխութիւն՛՛ լինելու մէջ։ Ահա թէ ինչու հանգուցեալ Իմամ Խումէյնին, որպէս հիմնադիր Իսլամական Յեղափոխութեան մնաց ժողովրդի կողքին իր համեստութեամբ, պարզութեամբ եւ աննահանջ կամքով ու վճռակամութեամբ։

Հանգուցեալ Իմամի կեանքի ուղին շարունակում է այսօր Իսլամական Յեղափոխութեան իմաստուն, քաջարի առաջնորդ Այաթուլլահ Ալի Խամէնէին, որ իր խոհական իմաստութեամբ, ժողովրդի ու հայրենիքի նկատմամբ ունեցած իր անվերապահ յանձնառութեամբ եւ անմնացորդ սիրով ղեկավարում է Իրանի Իսլամական Հանրապետութիւնը։

Յեղափոխութեան 39-րդ տարեդարձի առիթով քրիստոնէական սիրով ողջունում ենք Իրանի Իսլամական Յեղափոխութեան առաջնորդին եւ մի անգամ եւս մեր ողջ ժողովրդի անվերապահ զօրակցութիւնն ու սէրն ենք յայտնում իրեն։ Հպարտ ենք Իրանի Իսլամական Հանրապետութեան բանակով եւ երկրում գործող բոլոր ուժային կառոյցներով, որոնք արթուն եւ զգօն վիճակով պաշտպանում են մեր երկրի սահմանները, յատկապէս այս օրերին, երբ ամէն կողմից ծայրահեղական յելուզակներ քաջալերւած մեծապետական կառավարութիւնների կողքին ամէն միջոցի են դիմում խանգարելու երկրում տիրող խաղաղութիւնն ու համատեղ գոյակցութիւնը խաղաղասէր ժողովրդների։

Խոնարհւում ենք յիշատակի առջեւ յանուն Յեղափոխութեան եւ Իրանի ամբողջականութեան պահպանման նահատակւած հազարաւոր զինւորների։

Խաղաղութիւն եւ յաւիտենական հանգիստ Իրանի Իսլամական Յեղափոխութեան ռահվիրա՝ հանգուցեալ Իմամ Խումէյնու հոգուն։

Փառք ու պատիւ յանուն Յեղափոխութեան իրենց արեամբ Իրանի հողը սրբագործած անմահանուն նահատակներին եւ Յարգանք ու պատիւ Իսլամական Յեղափոխութիւնը պահող ու առաջնորդող հոգեւոր առաջնորդ Այաթուլլահ Ալի Խամէնէի-ին իր բոլոր գործակիցներին, ինչպէս նաեւ Իրանի վսեմաշուք նախագահին իր կառավարութեան եւ իրանցի ողջ ժողովրդին։

Խաղաղութիւն եւ անսասանութիւն Իրանեան մեր սիրելի հայրենիքին։


ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

 

Փետրւար 2018
Թեհրան

ՏՕՆԵՐ

Կրօնական Տօների Օրացոյց


Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ