Սրանից 9 տարի առաջ, 2006 թւականից, նախաձեռնութեամբ Թ. Հ. Թ. Թեմական խորհրդի եւ Թ. Հ. Թ. Կրթական խորհրդի, սկիզբ առաւ Իրանի համալսարաններում, բարձր նիշերով մուտք գործած աշակերտ-աշակերտուհիների գնահատման եւ նիւթական պարգեւատրման հանդիսութիւնը: Նմանօրինակ միջոցառում էր կազմակերպւել շաբաթ, դեկտեմբերի 19-ի երեկոյեան, ազգային առաջնորդարանի դահլիճում, ուր գնահատւեցին Պետական համալսարանների մուտքի քննութեան մէջ բարձր մակարդակ շահած 20 նորամուտ հայ ուսանողներ՝

1393 (2014) թւի Քննութիւն

• Էրիկ Մանուկ Սարգսեան
• Փրենի Մարուքեան
• Ագաթ Սադեղի (Տէր Աշոտեան)
• Վարագ Ամիրխանեան
• Սիւնէ Սաֆարեան
• Նարինէ Դաւթեան

1394 (2015) թւի Քննութիւն

• Գարունէ Բանդարեան
• Ադրինէ Խուդավերդեան
• Վեդի Մկրտչեանց
• Դերիկ Կարապետեան 
• Լիլիա Դանղեան
• Առնօ Մինասեանց
• Գայիանէ Նազարեանց
• Անաշէ Խեչօ
• Արէն Խալոյեան
• Անդրէ Վարդանեանց
• Արին Էֆֆաթ Բաբռուդի
• Էրիկ Խանջանեան
• Շարոն Սարոնեան
• Ռենէ Փանեան

Միջոցառման գեղարւեստական ծրագրում ելոյթներ ունեցան Փիւնիկ Քէշիշեանը «Հայրենիք» բանաստեղծութիւնը արտասանելով, Անիա Պետրոսեանը՝ գիթառով և Լէօ Ծատրեանը «Մենք» բանաստեղծութիւնը ասմունքելով:

Հրաւիրւեցին արտայայտւելու, Թ. Հ. Թ. Թեմական խորհրդի ատենապետ՝ պրն. Ռուբիկ Կարապետեանը և Իսլ. խորհրդարանում Թեհրանի եւ հիւսիսային իրանահայութեան պատգամաւոր՝ դոկտ. Կարէն Խանլարեանը, որոնք շնորհաւորելով գերազանցիկներին, նորանոր յաջողութիւններ մաղթեցին իրենց:  Դոկտ. Խանլարեանը խօսեց հայ հին ու նոր գիտական հպարտութիւնների մասին, որոնց ուղին շարունակւել է մինչ այսօր և հասել մեր երիտասարդներին:  Նա շեշտեց՝ «Դուք այսպէս թէ այնպէս այս ուղղութեան մէջ շարժւող մարդիկ էք և արդէն թևակոխում էք լուրջ ասպարէզ»:

Ապա հերթաբար յանձնւեցին յաջողակ երիտասարդների նւէրները, իսկ վերջում Թ. Հ. Թ. Առաջնորդն ուսանողներին ուղղեց իր հայրական խորհուրդները: