Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Գնահատման երեկոյ՝ Մեծ Եղեռնի 100-ամեակին նւիրւած «Հայ գրքի» 13-րդ ցուցահանդէսին օժանդակող մարմինների

Բարձր հովանաւորութեամբ և մասնակցութեամբ թեմիս բարեխնամ առաջնորդ Գերշ. Տէր Սեպուհ Ս. Արք. Սարգսեանի և կազմակերպութեամբ՝ Քրիստոնէական Դաստիարակութեան Յանձնախմբի, սոյն թւի երեքշաբթի, դեկտեմբերի 1-ին, Ազգային առաջնորդարանի դահլիճում, կայացաւ «Հայ Գրքի» 13-րդ ցուցահանդէսի ընթացքում օժանդակող անձանց համար կազմակերպւած գնահտման երեկոն:

Միջոցառմանը ներկայ էին եկեղեցական խորհրդների, հրատարակչութիւնների և եկեղեցասէր կանանց միութեան ներկայացուցիչները, ցուցահանդէսի բացման հանդիսութեան գեղարւեստական բաժնում դերակատար անձինք և խմբերի պատասխանատուները:

Միջոցառումը սկսւեց Տէրունական աղօթքով, որից յետոյ յանձնախմբի ներկայացուցիչը բարի գալուստ մաղթեց բոլորին և յանձնախմբի անունից շնորհակալութիւն յայտնեց ցուցաբերած անվերապահ օժանդակութեան համար: Օրւայ առիթով Գերշ. Սրբազան Հայրը իր խօսքն ուղղեց ներկաներին, ասելով՝ 

«Երբ խօսում ենք «Հայ գրքի» ցուցահանդէսի մասին, պարզ  ցուցահանդէսի  հասկացողութիւն չէ, որ ընդունում ենք այն,  այլ՝ այն մեր բոլորի վկայութիւնն է հայ գրքի նկատմամբ: Հայ գիրքը մեզ համար այն նւիրական սրբութիւնն է, որի մէջ մենք մեզ ենք գտնում: Որի մէջ, մենք և՛ մեր անցեալը և՛ ներկան և՛ ապագայի երազներն ու տեսիլքներն ենք գտնում: Հետևաբար գիրքը միայն առարկայ չէ՝ այլ ժողովրդի, հաւաքականութեան կամ եկեղեցու հոգին ու ոգին է: Եւ իբրև այդպիսին է, որ ըմբռնում ենք հայ գիրքը: Ցուցահանդէսը, որ կազմակերպւում է, և դուք սիրելիներ, որ գալիս ու աշխատում էք, ոչ միայն ցուցահանդէսի աշխատանքներին էք մասնակից լինում այլ ձեր սէրը, ձեր յարգանքը և ձեր կապւածութիւնն էք դրսևորում հայ գրքի նկատմամբ և դա գանահատելի է և գովելի»:

Սրբազան Հօր արտայայտութիւններից յետոյ առիթ տրւեց ներկաներին, որպէսզի իրենց առաջակները ներկայացնեն կազմակերպւելիք գալիք ցուցահանդէսների աշխատանքների ընթացքը բարելաւելու համար: Պատրաստւել էր նաև հարցաթերթիկներ, որպէսզի ներկաները իրենց առաջարկները գրաւոր ներկայացնեն յանձնախմբին:

Ծրագրի երկրորդ բաժնում նախատեսւել էր ընդունելութեան բաժին, որի ընթացքում ներկաները իրենց կատարումներով աւելի ճոխացրին երեկոն: Ծրագրի աւարտին Սրբազան Հայրը ներկաներին նւիրեց վերջերս հրատարակւած Ս. Գրիգոր Նարեկացու Մատեան Ողբերգութեան՝ «Նարեկ»-ի մէկական հատոր:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 20 Սեպտեմբերի 2022;
Սրբոց կուսանացն Փեփրոնեայ, Մարիանեայ եւ Շուշանայ` դստերն Մեծին Վարդանայ Առակներ 23.15-25։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 6.20-23։

Չորեքշաբթի 21 Սեպտեմբերի 2022;
Պահք Բ Կորնթացիներ 11.10-23։ ԱՒԵՏԱՐԱՆ ԸՍՏ ՄԱՐԿՈՍՒ 10.17-23։

Հինգշաբթի 22 Սեպտեմբերի 2022;
Սրբոց հայրապետացն Բարաղամու, Անթիմոսի եւ Երանոսի Իմաստութիւն Սողոմոնի 10.9-12։ Մաղաքիա 2.5-7։ Ա Պետրոս 5.1-7։ Յհ 10.11-16։

Ուրբաթ 23 Սեպտեմբերի 2022;
Պահք Բ Կորնթացիներ 11.30-12.9։ ԱՒԵՏԱՐԱՆ ԸՍՏ ՄԱՐԿՈՍՒ 10.28-33։

Շաբաթ 24 Սեպտեմբերի 2022;
Սրբոցն Գէորգայ զօրավարին, Ադոկտոսի եւ Ռոմանոսի երգեցողին Իմաստութիւն Սողոմոնի 8.19-9.5։ Եսայի 42.1-8։ Բ Կորնթացիներ 1.3-7։ ԱՒԵՏԱՐԱՆ ԸՍՏ ՂՈՒԿԱՍԻ 12.2-9։

Կիրակի 25 Սեպտեմբերի 2022;
Գ կիրակի զկնի Ս. Խաչին: Տօն է Վարագայ Սրբոյ Խաչի ԱՌԱԿՆԵՐ 3.18-26։ Եսայի 65.22-25։ Գաղատացիներ 6.14-18։ ԱՒԵՏԱՐԱՆ ԸՍՏ ՄԱՏԹԷՈՍԻ 24.30-36։

Երկուշաբթի 26 Սեպտեմբերի 2022;
Սրբոյն Դաւթի Դւնեցւոյն եւ սրբոց վկայիցն Ղամբէոսի եւ Ղամբէուհւոյն ԱՌԱԿՆԵՐ 13.1-7։ Միքիա 7.18-20։ ԹՈՒՂԹ ԵԲՐԱՅԵՑԻՆԵՐԻՆ 12.1-7։ ԱՒԵՏԱՐԱՆ ԸՍՏ ՂՈՒԿԱՍԻ 13.22-30։

Երեքշաբթի 27 Սեպտեմբերի 2022;
Սրբոցն Եւստաթէոսի եւ կնոջ նորա Թէոփիստեայ եւ երկուց որդւոցն եւ սրբոց կուսանացն Երմոնեայ եւ Նեքտարինեայ Ողբ 3.22-56։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՄԱՏԹԷՈՍԻ 5.1-12։

Չորեքշաբթի 28 Սեպտեմբերի 2022;
Պահք Բ Կորնթացիներ 12.10-18։ ԱՒԵՏԱՐԱՆ ԸՍՏ ՄԱՐԿՈՍՒ 10.35-45։

Ուրբաթ 30 Սեպտեմբերի 2022;
Պահք Բ Կորնթացիներ 12.19-13.4։ ԱՒԵՏԱՐԱՆ ԸՍՏ ՄԱՐԿՈՍՒ 11.15-25։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ