ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Շրջանաւարտ Կրթական խորհրդի եւ յանձնախմբերի աշխատանքների մասին – 3 -

Կրթական խորհրդի յանձնախմբերից է՝ Դաստիարակչական յանձնախումբը, այդ մասին բացատրութիւն տւեց Նարբէ Աբուլեանը, ով ընդգծեց հետեւեալը. «Յանձնախմբի նպատակն է հայեցի դաստիարակութիւնը զարգացնել դպրոցներում եւ այդ ուղղութեամբ զանազան աշխատանքներ են իրականացւել»:

Մեր աշխատանքների շարանում Հայոց Ցեղասպանութեան 100-ամեակի առիթով պատրաստւած գրքոյկից հարցումներ քաղեցինք եւ կազմակերպւեց գիտելիքների մրցութիւն, իհարկէ այդ գրքոյկները դասաւանդւել էին հայոց դպրոցներում: Մրցոյթի յաղթողները մասնակցեցին ճամբարի: Յանձնախումբը նաեւ կազմակերպել է մէկ տասնեակի հասնող արշաւներ, տարիքային բոլոր սահմանումների համար: Արշաւների բուն նպատակը նոյն տարիքի աշակերտների երկսեռ աշխատանքներն է եւ հինգ ժամ տեւող արշաւների ընթացքում թէ իրականացել են դաստիարակչական եւ թէ հաճոյական աշխատանքներ: Արշաւների աւարտին աշակերտներին հարցարաններ բաժանելով, տեղեկացանք նրանց տպաւորութիւնների մասին եւ աշակերտները եւս ներկայացրին իրենց առաջարկութիւնները, որոնք օգտագործել ենք ըստ հնարաւորին: Արշաւները կազմակերպելու նպատակով օժանդակել են միութիւնները, միութիւնների զանազան միաւորները եւ պատանեկան կազմակերպութիւնը: Յատկանշական է, որ արշաւները կազմակերպւել են «Արարատ» մարզաւանում:

Գիտելիքների մրցութեան պահով մեր աշխատանքային երկրորդ տարում իրանահայութեան պատմութեան մասին էր մրցոյթը: Այդ առնչութեամբ պատրաստւել է գրքոյկ, որը օգտագործելի է լինելու յաջորդ տարի, իսկ այս տարի Հ. Ուս. «Չհարմահալ» միութեան յարկի տակ կազմակերպւել էր եռօրեայ ցուցահանդէս, ուր ցուցադրութեան էր դրւել իրանահայութեան մասին աշակերտների ձեռքի աշխատանքները (մակետ, նկարչութիւն, կոլաժ եւ ...):

Ուսման մակարդակը ուսումնասիրող յանձնախումբ, որի նպատակն է ուսումնասիրել դպրոցների աշակերտների եւ պաշտօնէութեան ուսման մակարդակը եւ մշակել վերաորակաւորման ծրագրեր: Այս աշխատանքին նպաստելու եւ արդիւնքները բացայայտելու նպատակով ժամանակին հարցարաններ ենք յղել դպրոցներին, որոնց պատասխանների արդիւնքում հնարաւոր է դարձել վերլուծել դպրոցների իրավիճակը եւ մշակել փաթեթ դպրոցների հարցերին իրազեկ դառնալու նպատակով: Նաեւ հաւաքագրել ենք ուսուցիչների տարեկան աշխատանքները, նշեմ, որ նախկինում եւս նմանօրինակ աշխատանք է տարւել, որը սակայն սառեցւել էր 2012-ից: Այդ հարցարանների արդիւնքում պարզեցինք թէ այդ ժամանակաշրջանում ուսուցիչները ինչ դասընթացների են մասնակցել եւ ընդհանրապէս ինչ աշխատանքներ են տարել :Այլ հարցարաններով քննարկւել են դպրոցներում աշխատանք ծաւալող անձնակազմի գործունէութիւնը:

Նաեւ կազմւել է գործունէութեան չափանիշերի հարցարաններ, որոնք լրացւել են փոխտեսուչների, ծնողական խորհուրդների, ծնողների եւ աշակերտների կողմից, որոնց հետազօտման արդիւնքում արտացոլւում է դպրոցի պաշտօնէութեան աշխատանքը:

Մենք նաեւ որոշեցինք ուսումնասիրել հայերէնից բացի այլ առարկաների ուսման որակը մեր դպրոցներում, եւ այն քննարկելով ծրագրեր մշակեցինք: Աշխատանքի նպատակը հետեւեալն էր նախ ուսումնասիրել՝ թէ ուր ենք կանգնած, եւ մեր դպրոցների մակարդակը, որ դպրոցում ինչպէս է, որպէսզի երբ հանդիպումներ ենք ունենում ուսումնադաստիարակչութեան պատկան հիմնարկների անձնակազմերի հետ, ի զօրու լինենք փաստերով ներկայացնելու մեր պահանջները եւ խնդիրները: Այս բնագաւառում մեր կիրառած մեթոդներից էր քաջալերական ձեւը եւ այն դարձաւ դպրոցներում անցկացւող «մերաթ» կոչւող քննութիւնների գլխաւոր դրդապատճառը, այդ քննութիւնների արդիւնքները խօսում են աշակերտների իմացականութեան մասին, որով կարելի է լինում ուսուցիչների աշխատանքների որակը քննարկել, որը դպրոցների որակաւորման համար կարեւոր է:

«Մերաթ»-ի մասին Կրթական խորհրդի ատենապետ՝ Սեւան Դանիէլեանը ընդգծեց, որ «մերաթ» կոչւող քննութիւնները, որոնք անց են կացւում դասարան առ դասարան, այսպիսով քննարկւում է նաեւ ուսուցիչների դասաւանդման եղանակը եւ լաւագոյն արդիւնքը արձանագրած դասարանի ուսուցիչները գնահատականի են արժանանում յաւելեալ աշխատանքների համար: Մեզ հասած արձագանգները վկայում են այն մասին, որ յիշեալ քննութիւնների արդիւնքները բաւականին ազդեցիկ են եղել: Երբ համայնքում խօսւում է այն մասին, որ հայոց դպրոցների մակարդակը բարձր չէ, որը դիտւում է քանակական եւ ոչ թէ որակական դիտանկիւնից, անցկացւած քննութիւնները լաւագոյն վկան են որակի ապացուցման հարցով: Օրինակ «Յ. Թովմասեան» դպրոցը Թեհրանի մակարդակում գործող նոյնիսկ ոչ- շահադիտական դպրոցների մակարդակն է գերազանցում: Աւելացնեմ որ մեր դպրոցների պարսկերէնով դասաւանդւող առարկաների գծով մինչեւ այժմ նման փորձառութիւն չենք ունեցել: Յուսանք այս աշխատանքը շարունակւի, անկախ թէ ովքեր են լինելու Կրթական խորհրդի անձնակազմը, քանի որ այս աշխատանքի յարատեւութիւնն է ազդեցիկ լինելու:

Մենք հակւած չենք այն կարծիքի, որ հայոց դպրոցների թւային պատկերը նւազելով, անկում է արձանագրելու նաեւ մեր դպրոցների կրթական մակարդակը եւս, ուստի ամէն գնով պարտաւոր ենք սպառնալիքները վերածել առիթների: Մենք համոզւած ենք, որ անընդհատ պէտք է բարելաւել աշխատանքները եւ փորձել ենք նոր մեթոդներով ուղղորդւել: Թէեւ շատ դժւար արտօնութիւն ստացանք, որ մի ընկերութեան միջոցով մեր դպրոցներում իրականացնել «մերաթ»-ի քննութիւնները, սակայն այդ բոլորին գնացինք՝ յանուն դպրոցների որակի զարգացման:

Կրթական ասպարէզում աշխատանքը անաւարտ է եւ երբեք չի կարելի ասել, որ ինչ որ շրջանում ինչ որ աշխատանք աւարտին է հասել, բայց իւրաքանչիւր կազմի անդամներ աշխատում են իրենց լաւագոյնը իրականացնել:

Նկարներ Հայոց Ցեղասպանութեան 100-ամեակի գրքոյկներից՝

Նկարներ Աշակերտական Արշաւներից և Ճամբորդութիւններից՝

Նկարներ Աշակերտական Ցուցահանդէսից՝

Նկարներ «Մերաթ»-ի գրքոյկներից՝

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com