Թ. Հ. Թ. Կրթական խորհրդի նախաձեռնութեամբ եւ դաստիարակչական յանձնախմբի կազմակերպմամբ 2017 թւականի հինգշաբթի, փետրւարի 16-ին տեղի ունեցաւ Թեհրանի հայոց դպրոցների 10-րդ դասարանցիների արշաւը՝ «Արարատ» մարզաւանում:
Առաւօտեան ժամը 10-ին, 59 աշակերտ-աշակերտուհիներ ներկայ գտնւեցին «Սասունցի Դաւիթ» սրահում: Բացման արարողութիւնը կատարեց Դաստիարակչական Յանձնախմբի ատենապետ՝ Քլարա Աղախանեանը, որից յետոյ աշակերտները բաժանւեցին երկու խմբերի:
Աշակերտները զբաղւեցին մարզանքով, պար սովորելով եւ գիտելիքների մրցութեամբ:
Մարզական աշխատանքները վարում էին մարզական յանձնախմբի անդամներ՝ Ժենիա Սուքիասեանը, Լուդւիկ Նազարեանը եւ Հենրիկ Ք. Սաչիկեանը:
Պարի դասարանը վարում էր «Ակունք» պարային համոյթի գեղարւեստական ղեկավար՝ Կարինէ Մանուչերեանը, իրեն օժանդակող պարուսոյցներով:
Գիտելիքների մրցութեան բաժինը վարում էր Դաստիարակչական Յանձնախմբի անդամ՝ Նազիկ Բալղչեանը, որին օժանդակում էին Քարմէն Ղահրամանեանը եւ Ստելլա Ասլանեանը: Իսկ ընդհանուր աշխատանքներին օժանդակում էին Քամելիա Շիրւանեանը եւ Բեսի Յովհաննիսեանը:
Յանձնախմբին օժանդակում էին նաեւ Հ. Մ. «Արարատ» կազմակերպութեան Սկաուտական Միութեան եւ Պատանեկան Կազմակերպութեան անդամները եւ ծնողական խորհուրդների ներկայացուցիչները:
10-րդ դասարանցիների արշաւը տեւեց մինչեւ կ. յ. ժամը 3-ը:
Արշաւն աւարտւեց միասնական խմբանկարով:
Թ. Հ. Թ. Կրթական խորհուրդ
http://www.tehranprelacy.com/9-content-hy/news-hy/1023-2017031401?tmpl=component&print=1&page=#sigProId1e50d9c90e